موضوع له لون جديد

بسم الله الرحمن الرحيم

دي أسئلة محتاجة لإجابات من الجنسين:
موضوع الخيانة: تفتكر لو حبيبتك خانتك/ حبيبك خانك، هتسامحه حتقدر الظروف اللى دفعته لكده، و إلا هتقول it's over؟ وطبعاً ده هيودينا لسؤال تاني إيه هي أسباب الخيانة؟ فيه رجاله كتير بيخونوا حبيباتهم رغم انهم بيحبوهم؟ ولما تسأل الراجل من ده يقولك مش الشرع محلل أربعة، يبقى أكيد أقدر أحب أربعة في نفس الوقت..
ليه دايماً البنت أكتر واحدة بتسامح، لكن لو هي اللي غلطت تقوم الدنيا عليها ويمكن تروح فيها البنية؟
ليه دايماً كلمة "أنا ولد لكن انت بنت" على لسان أي راجل يغلط فيحاول يبرر غلطته بالكلمة دي؟؟ ده ربنا بيحاسب الراجل زاي الست، مش معنى ان في الميراث نصيبه ضعف نصيبها انه يبقى من حقه يظلمها وإلا يغلط في حقها.
موضوع تعدد الزوجات: دايماً الرجالة يستعملوه كتهديد للستات، ليه مابيحطوش نفسهم مكانهم، ليه جرح المشاعر، وده طبعاً يجيبنا لسؤال ليه المشاعر بتتغير أيام الحب الأولى عن أيام الخطوبة عن أيام الجواز، وماتقولوش ان البنت بتبطل تهتم

بنفسها، أنا شفت بنات كتير بعد الجواز يمكن بقوا أحلى من الأول وبيهتموا بنفسهم جداً ورغم كده أجوازهم بيخونوهم؟


الشلة: لما أصحاب يخرجوا كتير مع بعض وأقصد مثلاً (اثنين اثنين)

سواء أصدقاء أو مخطوبين أو أزواج ، هل ده ممكن يجذب طرف لحبيب الطرف الآخر؟

بصى مريم انتى يمكن بتتكلمى كده علشان بنت بس انا معاكى بردوا ان الراجل بيغلط

بصى انا ممكن فعلا اكون بحب واحده جدا جدا بس ممكن اخوانها بس ده مش علشان الشرع محلل اربعه ولا حاجه بس علشان حاجتين
اسمهم الاهتماام والتفاهم

الاهتمااااام مثلا لما الراجل يلاقى الست مش مهتميه بيه زى الاول فبالطبع لو فى واحده مهتميه بيه غير الى بيحبها بيبدا يعجب بيها ويحبها وبعدين الراجل بيحب الست الى تهتم بيه

تانى حاجه التفاهم وده بردوا سبب مهم من اسباب ان الراجل بيتجه للخيانه

الانسان لو مكنش متفاهم مع الانسان الى بيحبه بالطبع بيدور على حد تانى يكون متفاهم معاه
ويعرف هو عايز ايه من غير ما يتكلم او يطلب
يعنى انتى بتقولى انت البنت هى المظلومه انا بختلف معاكى ممكن تكون البنت مظلومه ماشى وبردوا الولد او الراجل بيكون مظلوم هو كمان
وبعدين مين الى قال ان الراجل مش بيسامح الراجل بيتسامح مره واتنين وتلاته بس لما بتكتر الغلطات بتكون وحشه خاصه لو انتم اتفقتم عليها من الاول

بصى مريم دى بتختلف من الراجل للرجال

مش معقول طول ما بنت بتحب الولد ومهتميه بيه هيفكر فى غيرها ومش هقولك الاهتمام التفاهم حتى بيقل بيعمل مشكله بين الاتنين الى بيحبوا بعض مهما ان كان درجه حبهم

وبعدين الانسان مش بيتغير غير لما بتتغير الظروف والانطباعات مش معقول واحد هينام يلاقى نفسه متغير الصبح اكيد بتكون اسباب انتى مش شايفاها بس هو شا يفها

من وجهت نظرى احيانا بتكون اعجاب انما مش حب يعنى مثلا ممكن اعجب بحبيبت صاحبى علشان مثلا متفاهما معاه ومش بتعمل حاجه تزعله فاعجب بيها انما كحب لا

وانا كده ولا كده فى الحالتين مستحيل

ده راى

اختلاف الاراء لا يفسد من الود قضيه

بسم الله الرحمن الرحيم
مشكورين كل اللى شرفونى بردهم ومحتاجة اسمع رأى العضوات كمان