أشعار جاهين

من طرف همسة عتاب الأحد يوليو 01, 2007 7:56 pm

الساعة اتنين صباحا

االنور ملو الشوارع
و مليون راديو والع
الساعة اتنين صباحاً
لكين إيه الموانع
الخلق رايحة جايه
و الدنيا لسه حيه
مليانة بالهأو أو
و زعيق القهوجية
واحد يقول لواحد:
خليك ياعم قاعد
التانى يقول: شكراً
ده أنا م المغرب مواعد
فيه سهرة لسه عندى
فى بيت فلان فندى
ح ناكل حاجه حلوه
و نشرب تمر هندى
و اللى تروح دالقة جردل
فوق حضرة المبجل
طبعاً صاحبنا يزعل
و ينفجر شتايم
والحى كله يوصل
مابين مصلح و لايم
اللى يقول: ياجماعة
و اللى يقول: يا بهايم
و مطرب الإذاعة
يصرخ و فى وجده هايم
ولو طرطقت ودنك
فى وسط دى العظايم
تسمع مسحراتى
بطبلة صوتها واطى
بيقول: اصحى يانايم

من طرف القلب الطيب السبت يوليو 14, 2007 2:11 pm

اختى الغالية

تسلم ايدك على النقل الجميل

وصح لسلن الشاعر

من طرف همسة عتاب الأربعاء يوليو 18, 2007 8:52 pm

مشكور اخى على متبعاتك

أشعار جاهين

أشعار جاهين

رد: أشعار جاهين

رد: أشعار جاهين