يا دنيا ليه ؟

من طرف elmalek السبت يونيو 30, 2007 3:23 pm

يا دنيا ليه ؟
أسيا كده ؟
فيكى دخلت ولا أتسألت
تهت وغرقت
ليه كل ده ؟
سايبك خلاص منك زهقت
كل الصحاب ماشيين ورايا
فوقهم شايفهم
كلهم جايين معايا
بانده عليهم
صوتى عالى
يا خسارة مش سامعين ندايا
حايوصلونى ويرجعوا
بنده عليهم اسمعوا
من جوه قلبى حاتوحشونى
من غير بكى من غير كلام
من غير وداع من غيردموع من غير سلام
عشت السنين وياكوا وبنسى
واهو دورى جه
ايام وكل الناس حاتنسى
بس اوعوا تنسوا اللى خلقنا خير وشر
لحظة وحتلقى العمر مر
والدور حاييجى مفيش مفر
سر الحياة سر الوجود
جوانا اه ملهاش حدود
نكره فى ناس بتعيش سنين
ونحب ناس زهرة شبابها بتنطفى قدام عنينا
والمعنى موت
مين اللى ينسى وينسى ايه
ده انا لسا سامع ضحكتك
فى ودانى رنه
شايفك فى عينى وبسمتك
رايحة وجايا
لو ننسى كل الكون
ملامحك مش حاننسى
لو عدى بعدك الف يوم
بعدك ومهما الدنيا تأسى
حاتكون معانا
فى فرحنا وفى حزننا
حاتعيش هوانا
واللى بينسى بينسى حد براه يكون
لكن مكانك فى القلوب بين الجفون جوه العيون
جوه العيون
يعنى اللى ينسى ينسى روحه
والروح عليه ازاى تهون
ازاى تهون
ازاى تهون