قصتى

هذة قصتى فاسمعيها

قصة عاشق تسطـرت بحـروف الابياتـي
قصة حبيب ضحى لاجـل خاطـر محبوبـه

جلست بضيقي وحـدي افكـر فـي بداياتـي
على شاطيء البحر جالس وكان اليوم بغروبه

جلست احسـب جروحـي وكـل خساراتـي
وكان الوقت حزتها مطر وقلـوب مرعوبـه

وكـان الوقـت سارقنـي بلوعـة حسراتـي
كان الضيقه في وجهي وهي بالقلب مكتومـه

تذكـرت الحبيبـه يومهـا خلتنـي باهاتـي
عد ماجاتني تشكي لي تقول اليـوم مخطوبـه

تقول ارجوك ابي تحرق صوري مع رسالاتي
وفراقك ماهو بكيفـي وانـا والله مغصوبـه


قالت خذ وعد من دمعـي المقهـور بسكاتـي
امـوت بحبـك وارد احيـا علـى دروبـه

قالت مدري ويش قلت انـا ميـت بلحظاتـي
خنقني الهم في صدري وشفت الدنيـا مقلوبـه

ابي استوعب ولا ني قادر استوعب نهاياتـي
ابي ذرة فرح لكن لقيت الفرحه مني مسلوبـه

تساوت دنيتي بعيني تساوى الماضي بالاتـي
مادام ان العيوب اليوم ترفـع نـاس معيوبـه

رجعت لغرفتي بين الاثـاث وبيـن شمعاتـي
اناظر كل رسايلها وقلت سيوف اليوم محسومه

بكيـت ومالقيـت الـي يواسينـي بدمعاتـي
وشكيت الجرح للدنيا والدمع سالت مصبوبـه

يادنيا بس خلينـي ابـي ارتـاح مـع ذاتـي
وبكيت وشوفـت حيـاه بالمـوت مطلوبـه

ابنسى واطوي الذكرى وابدفن كـل حكاياتـي
ابمشي وماابي احـد وهـي توبـه نصوحـه

أبقطع سيرتك وابطلب من المولـى بركعاتـي
يصبرني على غيابك واعيش بدنيا محجوبـه

وانا وقلبي ياعمري تاب وعزم يجمع شتاتـي
واذا قلبي طلع مذنب ترى انت اعظـم ذنوبـه

اخى الغالى / محمد

اشكرك على ردك الكريم ومرورك الرائع

تقبل خالص تحيتى وتقديرى واحترامى

القلب الطيب